Mindfulness Posts (2022-2023)

呢種安靜，正正係學者海倫里斯 （Helen Lees）所講嘅「脆弱的安靜」（weak silence），係帶有負面意味嘅安靜。

另一方面，海倫里斯亦提出「有力的安靜」（strong silence），佢指出呢種安靜可以幫助學生喺寧靜嘅環境學識觀察同反思，從而促進學習，並鼓勵老師將有力嘅安靜融入課堂。其實，有意咁選擇安靜就好似我哋修習靜觀咁，俾個空間自己安頓落嚟，感受身心。當我哋内心平靜就會更加容易覺察同接納身邊嘅事物。

唔知大家會選擇邊種安靜呢？

例如當有人批評我哋嘅時候，我哋就會慣性咁即刻作出反擊。呢種自動反應可能會令衝突加劇，甚至加深雙方嘅矛盾，破壞感情。

咁到底我哋要點樣處理呢啲衝突先至合適呢？靜觀鼓勵我哋改用一個自主嘅模式去作出回應。出現衝突嘅時候，當感受到自己嘅情緒開始升溫，我哋可以先嘗試深呼吸，靜定落嚟，俾自己空間去感受當刻嘅情緒。思緒沉澱之後，我哋會有較大機會搵到合適嘅方法去回應對方，從而增加同伴侶之間嘅正面討論。咁樣唔單止可以避免衝突加劇，仲可以幫到我哋更加客觀咁了解成件事同對方嘅觀點。研究更加指出靜觀可以減少衝突後嘅負面情緒，維持健康嘅戀愛關係，甚至乎提升雙方對關係嘅滿意度 (Barnes et al., 2007)。

如果下次同伴侶發生小衝突，可以停一停、靜一靜，唔好再俾自動導航主宰你嘅反應喇！

Barnes, S., Brown, K. W., Krusemark, E., Campbell, W. K., & Rogge, R. D. (2007). The role of mindfulness in romantic relationship satisfaction and responses to relationship stress. Journal of Marital and Family Therapy, 33(4), 482-500. https://doi.org/10.1111/j.1752-0606.2007.00033.x

不加批判(non-judging)、耐性(patience)、初心(beginner’s mind)、信任(trust)、不强求(non-striving)、接納(acceptance)、放下(letting go)。靜觀導師在教授靜觀時，會抱持這樣的態度，也希望能幫助學員修習這樣的態度。然而，假如在培養和實踐這些態度的過程中，把這些態度看成是金科玉律的教條，就很容易掉進了矛盾的陷阱中️，出現了以下很諷刺的現象：批判「批判」，對無「耐性」無耐性、對「初心」不再好奇、不信任「不信任」、强求「不强求」、不接納「不接納」、放不下「放下」。

當靜觀態度被僵化為教條，而且用很不靜觀的態度來傳授、維護和實踐，就會出現嚴重的偏差。教導靜觀和修習靜觀的人要慎之戒之。我們需覺察矛盾的陷阱，不要把態度僵化為教條，而是以謙卑寬容來進行靈活的探索。

賽馬會樂天心澄靜觀校園文化行動 總監
林瑞芳教授

呢五大性格特質包括開放(Openness to experience)、盡責(Conscientiousness)、外向(Extraversion)、親和(Agreeableness)同神經過敏 (Neuroticism)。大家又知唔知性格特質同靜觀原來都有關係？

比較神經過敏嘅人容易擔心、焦慮，甚至抑鬱。有研究 (de Vibe et al., 2013) 發現靜觀能夠幫到呢啲朋友減低心理壓力同提升主觀幸福感 。透過修習靜觀，佢哋可以學到同自己嘅情緒共處 ，覺察同接受自己嘅情緒同思想，喺面對情緒或者壓力嘅時候，幫自己作出自主回應。

其實靜觀唔只淨係幫到比較神經過敏嘅朋友，靜觀嘅「接納」、「不强求」同「放下」嘅態度，對特別「盡責」嘅朋友都係好好嘅提醒。其實，無論你有點樣嘅性格特質，都適合修習靜觀㗎！大家有興趣都可以跟住「樂天心澄」App裏面嘅聲音導航，試下修習靜觀，放鬆身心，活在當下。

喺閱讀嘅過程，大家可以嘗試抱住靜觀嘅七個態度之一—「初心」。「初心」係指放低自己對身邊事物既定嘅諗法，以一個初學者嘅心態去探索新嘅可能。由揀書開始，我哋就已經可以放低原有嘅偏見，例如放低自己對作者原有嘅評價，帶住一個開放、未知嘅心態去做選擇。睇書之前，可以留意下光線喺紙張上嘅顏色、墨水同書本嘅氣味，以及書脊同紙張喺手上嘅感覺 ，留心當下嘅體驗。閱讀嘅時候可以嘗試放慢速度，帶住好奇心，並容許足夠空間去感受一字一句。睇完書，喺進行下一個活動前，不如留少少時間，俾自己細味一下呢次閲讀所帶來嘅任何感受。

唔知大家有無試過以靜觀嘅態度浸溫泉♨️呢？浸溫泉嘅時候，不妨多啲留意自己嘅感官同身體感覺，例如留意一下由溫泉升起嘅霧氣，泉水流入浴池，淙淙水聲震動耳膜嘅感覺，汗水由額頭冒出再慢慢流落臉頰嘅過程，身體由外到內感受到嘅暖意，同埋内心平靜如鏡嘅感受……

看到這句説話後，身體有何感覺？
邀請你，純粹感受當下身體的感覺，靜靜地陪伴感覺的升起、停留與消散。
心在此。
願我安好。 ❤️